هيجننونا..
كتبهاسـامية عبد المطلب ، في 27 أغسطس 2008 الساعة: 14:22 م
هيجننونا.. وكله بالتكنولوجيا..
هييه .. وصلت مصر.. أخيرا.. مش عارفة كنت ملهوفة على إيه.. كل بلاد العالم شكلها أصبح واحدا.. بيتزا وكنتاكي وسوبر ماركت.. في زماننا .. النمطية هو ما تصنعه الرأسمالية.. التفرد والخصوصية في البلدان والأمصار ضاعوا تماما..البضاعة هي هي والديكور هو هو.. ومحلات الجنك الصيني كل حاجة بجنيه هي ..هي.. الكون أصبح عبارة عن سوق عتبة كبير.. مع شوية ديكورات الشيء لزوم الشيء..
المهم حضرت لمصر.. على مصر للطيران طبعا.. انتظار .. فانتظار .. فانتظار .. سيادة مطار هيثرو سمح لطيارات الكون .. حتى كوالا لامبور للطيران بالإقلاع.. إلا الطيارة المصرية.. طبعا حزنت .. لأن كل الطيارات تدفع نفس الرسوم .. لماذا نقبل دائما.. لماذا لا نحتج.. أحيانا الذوق والصبر بيجيب وراء .. ما علينا.. تنفست الصعداء بعد الإقلاع.. نصف ساعة زيادة في لندن كان ممكن تحولني على العصفورية.. سائق التاكسي الأيرلندي قال لي .. أنا واثق أن التعقيد المستمر في الحياة.. والتكنولوجيا المبالغ فيها هدفها أن نفقد عقولنا حتى يتمكنوا من التحكم فينا.. التكنولوجيا تعقد الحياة بل تجعلها مستحيلة.. وارتفاع الأسعار المبالغ فيه أيضا مستحيل ؟.. فقر وبطء.. وتعقيد.. وعالم غريب مستحيل.. وإنسان مستعبد لأبعد الحدود.. وتشجيع على كل غريب غير مألوف باسم الحرية.. وعندما يستغرق الإنسان في المادية والانحلال والتعقيد ويطحنه الغلاء .. بالطبع سيفقد إحساسه بالقيم .. سيفقد إحساسه بمعنى العدل.. ومعنى المساواة.. ويفقد التمييز بين الخير والشر.. سيتحول إلى سائمة لا هم لها إلا البحث عن الطعام وتأمين المأوى.. وينسى تماما أن له حقوق تتعلق بكرامته وسيادته .. وينسى أيضا أن يطالب بها.. الإنسان في خطر .. يتآمرون عليه .. ستنقرض سلالته المعنوية وتبقى سلالته الحيوانية فقط.. سلالة سوق العتبة.. نحن في زمان يصبح فيه اقتراب الأجل نعمة كبيرة من نعم الله.. كل شئ نعتقد انه نظرية مؤامرة.. حقيقة واقعة .. معلومة في الغرب على كل لسان ونحن واقفين هنا في طوابير الخبز..
في خضم هذا القبح .. الرحلة داخل الطيارة.. مش عارفة أقول إيه.. بنات مصريات زي الورود المتفتحة.. حاجات ناعمة لونها بمبي وريحتها مهفهفة.. إيه الذوق والدفء والجمال ده.. عمار يا مصر بولادك.. طول الرحلة بيزغطونا.. الطعام .. هم العصر .. وهم السلالة الجديدة .. بالنيابة عنها أنا والحاج الكبير.. كبير لكن وسيم شبه أرنست همينجواي.. وكلامه ولهجته الشامية لذيذة.. دايما البنات تحبه.. بابا جدو لذيذ حبتين.. وهو إيليت على الآخر وشايف نفسه.. والبنات رايحة جاية تعزم علينا تماما كما لو كنا ضيوف في بيتهم .. بل يتحايلو.. والنبي خذي قطعة تارت أخرى من الصنف ده .. سيعجبك جدا.. هذه علبة سويزا مع التحية.. اتريد قهوة تركي سنصنعها لك.. وطبعا الكلام وصل للماضي والحاضر والأبراج والأزواج.. باختصار ضيافة ولا أجمل .. جعلتنا ننسى التأخير .. ونلعن الطيران الأجنبي وخاصة الأوروبي.. والابتسامة الباردة الميتة المرسومة رسم منحوت على الوجوه.. يعني فين في الدنيا غير في مصر تلاقي مضيفة طيران تُحضر بطانية وتغطيك أثناء نومك.. وتودعك على الباب بالأحضان.
ومن المفاجآت أيضا.. أن المطربة شيرين وجدي كانت تجلس في المقعد المجاور.. شيرين كانت أيضا جارتي في الإسكندرية والدها اللواء وجدي كان يملك مصيفا في العمارة التي أسكنها.. ولطالما سمعت عن شيرين كلام جميل عن خلقها وتربيتها وموهبتها .. من صديقتي الأنتيم نيرفانا.. المهم.. تجاذبنا الحديث.. وشيرين كانت أجمل من كل الكلام الجميل الذي سمعت عنها.. مثقفة جدا.. وهي خريجة آداب إنجليزي.. وأمورة جدا بدون أي مكياج.. وسألتها.. أين أنت ياشيرين كان المفروض أنك وردة أو أم كلثوم العصر ماذا حدث.. ردت شيرين في حديث عن الفن.. وأكدت لي كلام السائق الأيرلندي.. التكنولوجيا.. قتلت الفن.. أصابته بالرخص والابتذال .. قتلت الغناء وقتلت السينما وقتلت الأدب والكتابة والشعر .. كل شئ أصبح مجاني متاح.. سريع.. مبتذل كي يخطف الأبصار.. هي تحافظ على أدنى حد من الاختلاط بالوسط الفني.. وهي تحب الرسم وتتمنى لو تركت الغناء وأصبحت رسامة… إذا لم تقضي عليه التكنولوجيا أيضا .. بالمناسبة شيرين صوتها جبار ولم نسمعها على حقيقتها أبدا.. نتمنى لها التوفيق.. فهي تستحق كل خير.
المهم وصلنا على مطار القاهرة.. الحاج الكبير عمل الشوية بتوعه عند ضباط الجوازات.. ثم جاء دوري.. أهلا.. أهلا.. أستاذة سامية.. زي ما نكون معرفة قديمة.. ثم نظر في الكمبيوتر.. وفجأة تغيرت معالم وجهه.. ممكن تتفضلي تنتظري شوية.. تليفونات اشتغلت.. وتصفح كمبيوتر .. وباسبور ذهب لمكان غير معلوم.. إيه الحكاية مش فاهمة.. سألت مهما سألت .. ما الموضوع ما سبب توقفي.. لا رد .. وبعد برهة.. عاد الضابط ومعه الباسبور.. سألت مرة أخرى.. هل السبب يتعلق بالمحاماة.. أم بالتدوين.. ما الخطأ.. لم أجد أي إجابة.. سوى تشابه أسماء .. يعنى تشابه إزاي وليه معرفش.. المهم.. ودعني بكلمتين طيبتين.. ولازلت مش فاهمة حاجة.
وأخير وصلت البيت.. لأجد التكنولوجيا المصرية على أشدها.. جارتي العزيزة تقوم بعمل ديكور لشقتها.. وانتهزت غيابنا وملأت الممر بأشولة رديم .. حوالي مليون شوال سدت الأبواب حتى السقف.. والحاج الكبير نرفز وظهر على حقيقته.. للي يعرف سباب الشوام ولعنهم .. وطبعا لأني مصرية لازم أكون أنا السبب في كل حاجة في مصر.. المهم الساعة السادسة صباحا .. وأنا لازلت أنتظر في غرفة البواب حتى يأتي من يفتح الطريق ونستطيع فتح الباب..
حقيقي من خرج من داره أتقل مقداره.. وممكن ميعرفش يدخل داره تاني أبدا..
سامية عبد المطلب في تمام السادسة.. من غرفة البواب تخاطبكم.. وحشتونا وكل عام وانتم بخير.
ـــــــــــــــــــــــــــــــــــــــــــــــــــــــــ
التصنيفات : أدب | السمات:أدب
أرسل الإدراج | دوّن الإدراج
أغسطس 27th, 2008 at 27 أغسطس 2008 9:39 م
حمداً لله على سلامتك
وربما تكون عملية التوقيف بالمطار كانت للتأكد من عدم وجود صلة بينك وبين حريق الشورى ..
وعندنا الخروج من المطار سهل وبالقانون .. كما فعل ممدوح إسماعيل ورامى لكح وغيرهم ..
ولكن الدخول صعب لأن رجال الأمن عندهم تعليمات اتجاه واحد ..
وبصراحه الأمن هنا صاحى صاحى مش بينام !
مين هناك ؟!
أغسطس 28th, 2008 at 28 أغسطس 2008 7:03 م
سامية
اخيرا
كل سنة وانت طيبة
انا لا اتكلم عن الجدية او الخفة
انا اتكلم عن الجدوى والمنفعة حتى فى مدونات الهلس
اغانى شكوكو هلس لكنه معمول كويس-يختلف عن اضصطناع الهلس
افلام اسماعيل يس هبلة- لكن هبلها متقن -مش زى استسهال الهبل
التحليل ممكن يبقى نكتة
النكتة المصرية بتحلل الواقع احسن من حسنين هيكل مليون مرة-واكثر عمقا واكثر موضوعية
هنا كل اداة ولها استخدام مجدى او التظاهر بانى شغال والحقيقة انى لا انجز شيئا
هنا الهدف الكاذب بتاع نخوف الحكومة ونجلدها بالكرباج وهى واقفة على رجل واحدة- ده هدف زى الطبل المجوف- مجوف بيدوى بلا منتج عقلى حقيقى
الهدف اننا نشتغل على التغيير بجد وبعمق- حتى ولو باسلوب خفيف ومرح
———
مثال
تعليق
طاهر الصوفانى
يااخى نفسى الاقى شاعر
يكتب فى مطلع-اغنية بصياغة شعبية جدا-
المطلع بافكر فيه من سنيين-ومش قادر اطلع
بيقول زى كده
-
بماء وضوءك ازرع شجرة
نفسى تبقى اغنية شعبية زى شغل امريكا اللاتينية -,وجنوب شرق اسيا مثلا
تخيل لو الدعوة كده-والصياغة -واللحن-كانت تسمح بان العيال يرددوها فى الحوارى-و كام مليون نفذوها
مش النتيجة الشجر بس -ياريت يكون نخل مثمر
مش المهم بس الشجر
لا دا معنى التدين نفسه هيتغير
لقدام ولفوق
هنا ودلوقتى
ماتقفل على نفسك فى رمضان وتعملها يا طاهر انت والشعرا فى مكتوب- لوجه الله
أغسطس 28th, 2008 at 28 أغسطس 2008 7:15 م
مقالك فوق مثال
بونبونى متضفر فيه حاجات تانية
———-
عندى طلب والنبى
عاوزين نص تعديل القذف-147 لسنة 2006
واذا فيه قوانيين اقرت فى مصر عن الانترنت
لان بعض الدول العربية اقرت قوانيين
عاملين فضلة خيرك حوار فى مدونة عادل سعيد
للاطلاع
اشتغلى بقى-
مقالك فوق مثال
بونبونى متضفر فيه حاجات تانية
———-
عندى طلب والنبى
عاوزين نص تعديل القذف-147 لسنة 2006
واذا فيه قوانيين اقرت فى مصر عن الانترنت
لان بعض الدول العربية اقرت قوانيين
عاملين فضلة خيرك حوار فى مدونة عادل سعيد
للاطلاع
اشتغلى بقى-
أغسطس 28th, 2008 at 28 أغسطس 2008 7:17 م
انا اتكلم عن الجدوى والمنفعة حتى فى مدونات الهلس
الكفاءة بتقاس بمقارنة الفعالية بالهدف المعلن
هم اللى قالوا هدفنا التغيير -يبقى نتحاسب
أغسطس 28th, 2008 at 28 أغسطس 2008 7:51 م
والنقد ليس حجرا على احد
النقد جملة اعتراضية قبلها وبعدها كل واحد حر يختار
أغسطس 29th, 2008 at 29 أغسطس 2008 1:38 م
حمد لله على سلامة الوصول
رمضان كريم
تحياتي
أغسطس 29th, 2008 at 29 أغسطس 2008 5:59 م
في 29, آب, 2008 - 5:57 مساءاً الفيل–النت بتتكلم عربى كتبها …
@ سامية
على فكرة هيثم ابو خليل ده طلع لئيم جدا
كتب عندى تعليق ان وائل عباس بيقول عننا اننا بلالين منفوخة
وانا قلت له صحيح وهننكر ليه
واتارى ان وائل ماقالش كده
هو قال انه لاينصحح المدونيين باستخدام مكتوب لو مدوناتهم سياسية- وان مكتوب بس لو مدونتك عن القطط والفسافيس والبلالين
وقال كلام تانى اهم
طيب ليه لم يناقشه ابو خليل فى مدونته-مدونة ابو خليل
لا هو بس جاى يقول لى عشان عارف انى هانخور وراء الموضوع واتورط انا فيه
ماهو الشغل الللى يجيب شتائم ولعنات- انا بس اللى اشيله
طيب نفترض انى كتبت ادراج عن الموضوع-وقلت رايى بصراحة
وطبعا الف من هيشتمنى
وبعدين ييجى هيثم يقول ياجماعة زهقنا من الخناقات والشتائم
ادى ياستى النوايا-لو هتفتشى فى النوايا
———–
طبعا انا
باهزر
والا مش باين على
طيب فتشونى ع النوايا كده
—————
يا استاذة سامية
مش هنقدر نفتش النوايا الا لو هنتبلى على بعض
والبديل هو القانون نحتكم اليه
يعنى كل الامم وصلت لكده
===============
;كتبت مصيبة جديدة
أغسطس 30th, 2008 at 30 أغسطس 2008 7:54 ص
@سامية
ممكن نتحاسب على اللى انا كتبته
انا لم اوجه لكاتب المقال اى كلمة- كاسلوب اهل مكتوب - ماهذا الجهل وكذا وكذا
بالعكس انا اتهمت الفيل ان لسانه طويل وساعات بيمسك فى حاجات -كتير بيطنشوها -وبيسموها الادب -وان دى غالبا غلطة صياغة بسيطة بس فتحت باب مناقشة موضوع اهم بكتير
انا حددت ان مش مهم ورود الكلمة فى مقال اى حد- لكن المهم وجود الجعير كمفهوم رئيسى مرتبط بالتعبير الدينى فى مجتمعنا
هو ده المهم -مش المهم حرف فى كلمة ولا كلمة ملفته للنظر ولا الكاتب اللى قال جعير ولا كلمة جعير فى القاموس ولا كلمة جعير اذا كانت حلوة او وحشة- مالوفة او غريبة
انا باتكلم عن الاعتقاد عند كثيرين- بان الكلام فى الدين-اوفى السياسة احيانا- لازم يكون جعير
حلو قوى اننا نلتهى بالكلمة والحرف- وان الكاتب كده هيزعل- عن المقصود وهو الجعير
وانا مش فاهم الكاتب زعلان قوى ليه كده مادام شايف ان الكلمة مناسبة-انا مليش دعوه بيها-بل وقلت ربما غلطه هجاء-ومش باصطاد غلطات-انا اللى يهمنى الموضوع الاهم وهو الجعير-ليه الجعير
طبعا ان الكاتب يزعل ويقعد يحضر ارواح الميتين فى مدونته عشان يشتمنى -دا عادى وجزء من مفهوم الجعير فى حياتنا
لكن اظن واضح جدا انى مش مستهدف اللفظ بقدر استهدافى للواقع المتجعر
في 30,آب,2008 - 07:29 صباحاً, الفيل–النت بتتكلم عربى كتبها …
شوفى جووجل بيرد ويقول انه محتمل الجملة تكون قصدك
يلجأ لله وجعلوا له
——
أغسطس 30th, 2008 at 30 أغسطس 2008 1:54 م
سلام الله عليكم
العزيزة ساميه عبد المطلب
دمت بكل النقاء
دعاءاً لربّ الكون والقلب خاشعٌ=موازينَ عدلٍ تحمل الحق بانصاف
رمضان كريم
محبتي
الشاعر والكاتب الفلسطيني / منذر بهاني
أغسطس 31st, 2008 at 31 أغسطس 2008 8:07 ص
الحمد لله على السلامة
و سلامي للحاج الكبير الشامي
شامي متلي و أنا متلو كمان
ما هوي الجار لمّن يكون تقيل حبّتين و فوقهم حبّتين فلازم التعامل معو بالذوق إن كان يعرف الذوق أو على طريقة الشوام بعد أن يطفح الكيل .
أغسطس 31st, 2008 at 31 أغسطس 2008 8:45 ص
مش هقول اى كلام
الا
حمد الله على السلامة
نورت اسكندرية
نورت مصر
نورت المدونات
عماد - مصرىىىىىىىىىىىىىىىىىىى
سبتمبر 1st, 2008 at 1 سبتمبر 2008 2:58 م
وأنا أنضم لعماد مصري
أنتابني شعور جميل
شعور ترابط أنساني
شكرا لك لطفك وكرم أخلاقك
ومن قلبي أشكرك لكي مرورك البهي
سبتمبر 2nd, 2008 at 2 سبتمبر 2008 5:40 م
كل عام وانت بخير ياعماد يامصري يا صاحبي..
اشعر اننا نستمر بوجودك معنا تشجعنا وتشد أزرنا وتشيع السلام بيننا اللهم بارك فيك ياصديق المدونات الأثير..
كل عام وانت وأسرتك .. الجذور والفروع والشركاء.. باطمئنان ورغد ونجاح..
والله معنا ونحن به أقوى ..
تحيـــاتي